البراق المحمدى


    طفل في السبوووووووووووووووع

    شاطر
    avatar
    muslima
    مشرف قسم الاذكار والادعيه
    مشرف قسم الاذكار والادعيه

    انثى عدد الرسائل : 48
    العمر : 31
    الحاله الاجتماعيه : student in faculty of medicine
    تاريخ التسجيل : 06/08/2007

    ايقونه 2 طفل في السبوووووووووووووووع

    مُساهمة من طرف muslima في الجمعة سبتمبر 21, 2007 2:05 am

    []السلام عليكم
    [color:f392=white:f392]صباح الخير! ماما علمتنى انى لما اتعرف على حد لازم اسلم عليه الاول, صحيح هى مش بتعمل كده بس المهم ما

    علينا....احب اعرفكوا بنفسى:انا اسمى "غلباوى" [img:f392]http://www.drbacar.com/vb/images/smilies/der[1].gif[/img:f392] بس ده مش اسمى الحقيقى...ده اسمى الحركى,قلت لنفسى على رأى تيته يا اختى..."اللى ميطلعش اللى جواه يطق" علشان كده قلت لازم افضفض معاكو شوية و أخف من الجبل اللى على كتافى أحسن


    خلاص ما بقيتش عارف أرضع و لا انام و لا اى حاجة خالص دى حاجة تقرف! وأحب ابتدى معاكو من امتى؟....من امتى؟....اه بعد ما اتولدت بكام يوم اللى انتو بتسموه سبوع ده! كان يوم مهبب و اغبر بعيد عنكو يوم ما اخترعوه,اكيد كلكوا

    عارفين اللى بيحصل فيه بس لما تشوفوه من وجهة نظرى اكيد حتغيروا رأيكوا!!!

    كانت طقوس الاستعداد بعد ما اتولدت بيومين,ساعتها سمعت ماما و هى بتكلم بابا و قالت له حاجات كتير...المهم انها اديتله
    ورقة طويلة مكتوب فيها حاجات,طبعا عشان انا صغير معرفتش اقرا الورقة بس الظاهر كان فيها اخبار او حاجات وحشة علشان بابا لما قراها بص لماما و قال لها "كل ده؟"...راحت بصيتله و كلمته من تحت الضرس"طبعا..انت عايز الناس تاكل وشى؟"


    ساعتها انا اترعبت...معقول ..ليه؟ ازاى حياكلوا وش ماما حبيبتى؟!!!...طب مين حيرضعنى بعدها؟!...و لا ازاى حقدر ابصيلها؟ هو انا بستظرفها بوش لما اشوفها من غير وش؟!! يا قاسى يا وحش يا بابا طب و الله لو خليت الناس دول

    عملوا كده شوف حعمل فيك اية لما اكبر ! حاوريك النجوم فى عز الضهر....و من ساعتها و انا باحلم احلام فظيعة رغم انى بخفف الاكل قبل النوم عامل حساب اليوم ده...


    و فضلت احسب خمس ايام لحد ما لقيت فجأة البيت اتملا على اخره ده ولا اتوبيس العباسية يا جدعان!و الدوشة اشتغلت ناس
    بتزرغد و ناس تهلل و ناس تبارك و عيال تعيط و ناس تضحك ...و انا فضلت قاعد وسطيهم ماعرفش حد فيهم غير عمتو و خالتو و ستو وبس!!

    ماما كانت نايمة فى السرير و بابا كان لسة فى الشارع "يا ترى اية اللى اخره كده؟!!" الناس دول دايما كاسفنى كدة على

    طول؟ طب حد يعد معايا عشان يعرفنى بالناس اللى جاية تبارك...ربنا يجيبك بالسلامة بقى يا بابا..حتى اخولتى مش لاقى حد منهم مش المفروض يعدوا هما كمان عشان يرحبوا بالناس؟..طب ماما و تعبانة و هم حجتهم اية بقى ؟!!


    شوية ولقيت ستو بتنادى على الناس"يللا يا جماعة عشان تاكلوا" انا سمعت كدة و قلت "يا حبيبتى يا ماما..ودونى عند ماما...ازاى يا ستو تقوليلهم كده هى مش بنتك برضة؟ و بعدين دول مش حيكفيهم وشها دول مش بعيد يبلعونى معاها و

    صرخت باعلى صوتى: "واءءءءءء واءءءءءءءءء"...ز

    خالتو اخدتنى ودتنى عند ماما لقيتها نايمة فحطتنى جنب ماما و قالتلها" انا رايحة اكل مع ماما و الضيوف..مش عايزة

    حاجة؟" ساعتها تنفست الصعداء..يعنى خلاص الكلام خلص من الدنيا كلها عشان ماما تقول لبابا "الناس حياكلوا وشى.." بابا !! صحيح ما تقومى ياختى تشوفى جوزك اتاخر ليه؟..هو مش عارف ان النهاردة ضيوف ؟!! هو مش عامل احترام

    لأبنه ولا ايه؟

    اخيرا بابا وصل و كان معاه حاجات كتيرة معرفش اساميها و مدوقتش حاجة منها طبعا..ولاد عيليتنا و ولاد شارعنا كلوها

    كلها..و بدأت الطقوس اللى بنحتفل بيها!!

    جت ستو و حطتنى فى طبق كبير مخرم و قعدت تهز فيه جامد حسيت وقتها ان فيه زلزال.قلت يا واد طنش خالص و خليك

    معاهم لحد الاخر و من غير اعتراض اخدونى و لفوا بيه حوالين الطرابيزة و الله عالم معاتيه كل ده و انا مطنش و مستحمل حكسفهم قصاد الناس يعنى؟؟...شوية و لقيت ستو بتدق حاجة فى الهون...بالذمة ده وقته؟ الناس فرحانين و اكلوا و شبعوا

    ودى لقيتها بتطبخ فى وسط الصالون بالشكل ده...كلن نفسى اقولها بس لفت نظرى ان الهون فاضى؟!!!...و بعدين بقى مالها الست دى؟!!عاملة كدة لية؟ و شوية و لقيتها قربت منى اوى قلت جايز حتاخد رأيى فى الطبيخ اللى بتعمله اهو اخدها على قد

    عقلها دى ست كبيرة برضة ...الا لقيتها بتدق الهون جنب ودنى مسمعتش هى قالت ايه..و عقبال ما رجعت اسمع تانى راحت خبطة الهون تانى و قالت نفس الكلام المرة دى سمعت...كانت بتقول"اسمع كلام امك و متسمعش كلام ابوك"و قعدت تقولها

    كتير قلت "بس! دخلنا فى قضايا امن الدولة و السياسة العظمى". يعنى بذمتكوا مش يوم ما تحرضنى على حاجة زى كدة مش تقوللى بينى و بينها مش قدام الناس كدة؟!! و الغريب بقى ان بابا كان فرحان اوى من اللى ستو بتقوله,اكيد حاجة من الاتنين


    اما ماسمعتش كويس يا اما مفهمتش...مش ماسمعتش ازاى دى الكلمة خرمت ودنى..لكن هى ستو ليه متحيزة لحساب ماما ضد بابا كدة على طول؟!!! يمكن الكبار بيعملوا كدة؟!!اكيد لما حكبر حعرف...

    منقووووول
    سلام[/size]
    [color:f392=white:f392]
    __________________
    اللهم انك عفو كريم تحب العفو فاعفو عنى

      الوقت/التاريخ الآن هو الثلاثاء ديسمبر 12, 2017 1:37 am